 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Не падбівай. Не пабухторвай.
Дарма шчыруеш. Я ня з тых,
Што краю роднаму над прорвай
Самазабойча б’юць пад дых.
Табе – павек ня будзе веры.
Не спадзявайся. Не чакай.
Ты ўпотай молісься хімеры,
А мне мой Бог – Бацькоўскі край.
Я не забыў: калі ад болю
За лёс ягоны я крычаў –
Ты шанаваў чужую волю
I, падуладны ёй, маўчаў.
Калі дыханьне мне і мову
Перацінаў дзікун-сатрап –
Ты не ішоў мне на падмогу
Ты на душу ня браў затрат.
Таму – ня снуй перад вачыма.
Ня корчы міну. Не прасі.
Прадаўшы ўсё, што ёсьць Айчына,
Мяне сто раз ты прадасі.
1990, лістапад.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
